داستانێ کوڵێ هه‌ورامیانێ

کناچێوەی  چوار  ساڵێ  جە  یانێوەنە  بۆ. تاتەو  کناچێ ،کناچەکێش فرە  وەشە  مسیۆ.عاذەتو کناچێ  وێ  شیرین کەرێ. هەرچی  تاتەش  مەێوە ، وێش  وزونە   باوشیش و، دەس  کەرو  ملش. ماچش  کەرو ،قسێ  وەشێش  پەی کەرو.تاتەش  کارێوش  پنە  مە. گرد  ڕوێو  زووتەر  مەێوە  پەی  یانەی. چێوێ  وەشێش  پەی  مارو.  بەینو  تاتەی و کناچێ  فرە  وەش  بۆ. تاتە  کارێوش  پنە  مە  ئەگەر  هەر چی  کناچێ   وەشڵێ  و  زەریفێ  و قسە  وەشێ  دنیای  هەنێ ، بەیا  وەرو  رەێش ، ئاننە  گوششا  پنە  مەذو. هەر کناچەکێ  وێش  وەشەش  مسیو.هەر دڵش  پاذێ  وەشا. وەلی  کناچێ  جار  جار دڵش  پەی  وێش  مەنو، کە تاتەیش  کەرەتێو  پەنەش  مەواچو ، چەمێذ  کاڵێنێ و قژێذ  وەشێنێ، یا  گوڵەکەم   فرە زەریفەنی .خو کناچێ  زەریفەو  قژ  زەردو   چەم  کاڵەنە.

کناچێ   یەواش  یەواش  گەورێ  بۆ. جە  بونەو  مەدرەسەیەو  چیوانێ  تەریو  مەێو  بازار  و گنو  ئاوەذانی .میاوۆ  خەڵکی   خاس و خرابی.  کەڕەتێو  میاوۆ  کورێوی  جوانی. کوڕە  جوانەکە  بە  کناچەکێ  ماچو،  فرە  چەمێذ  وەشێنێ و  قژێذ  زەردێنێ،  و  ئە چی  قسا. کناچێ  ئاننە  گوش  مەذو  پەنە. ملوۆە  پەی  یانەی. تاتەش  مەێوە   گرد  جەمێ  با. تاتەش  ماچو  بە  کناچەکێ  ئیتر  تۆ  گەورێ  بێێنی .مشیو  فرە  نەزیەیەرە . فرە  چەنی  کەسی  قسێ  نەکەری .وەختێو  یو  مەێو  پەی  یانەیما  ئەذەبە  بی. ئیتر  تۆ  روەو  ئازەبی  ملی و  ئە چی  قسا. کناچێ  سەرە وزورەو  مات  کەرو .قسێ  کوڕەکەی  مەیاوە  هوشش .پەی  وێش  ماچوو  ئینە  پوچی ئا  کوڕیچە  ئا  قسێشە  پنە  واتا.


کناچێ  ملو  مەدرەسە ، مەێوە  ملو  دلێ  خەیاڵاو، کەم  قسێ  بۆ.کەرەتێو  جە  راو  مەدرەسەیەنە ،کوڕە  جوانەکە  میاوۆ شەو  پەنە ،هەر  ئا قسا  کەروۆە .کناچەکێ   قسەکێ  منیشا  دڵش. چەنی  کوڕەکەی  وەشەسیایی  وزارە. کناچێ  فرە  گەورێ  نیەنە. وەختوو  شوو  کەردەیش  خاس  نەیاوان. وەلی   ماچو  بە ئەذێش  کورو  فڵانە  کەسیم  گەرەکا .ئەذاش  ماچو  با  تاتەت  نەزانۆ، سەرەت بڕو   و ئەچی   قسا.

ئەذاش  لاو  تاتەیشەو  ماچو.تاتەش  رەنگەش  فاریو. هیچ مەواچو .بەڵام  چاولای  ئاننە  چەنی  کناچێ  قسێ  مەکەرو. بەڵام  وەختێو  منیشارە  هەر  دوێ  قسێ  فرێشا  پەی   واتەی  هەنێ .بەڵام  هیچ  کام   قسێ  مەکەرا.

کوڕ و  کناچە  وەشیویسیشا  کارێو  کەرو، هەر  دوێ  دەس  جە  وانای  کێشا. کوڕە  مەدرەسەنە  تەمەڵ  بۆ. کناچێ  جە یانەنە  نمازا  بلو  پەی  مەدرەسەی.

دما  چن  وەختێوی  شەوێوە  کناچێ  ملونە  وەرمو  تاتەیش .بە  تاتەیش  ماچو  تاتە  گیان، هەر چیم  سەر  ئامان، خەتاو  تو  و ئەذێم  بیێنە. تاتەش  جە  وەرمەکەنە  ماچو،ئێمە  چی  ڕوڵە ؟کناچەکێ  بە  دلێوی  پەڕەوە  ماچو،تاتە  گیان  ئەگەر تۆ و  ئەذێم  نازو  منتا  وەختو  وێش  کێشتە بیە ،یانێ  بە  من واتێتا  ،چەمەکیذ  کاڵێنێ،یا قژەکیذ  زەردێنێ، یا  فرەو  چێوا  تەری.من  زانێنا  کێنا.ئیتر  ئەگەر  یو  تەری  ئا  قسێشە  کەردێنێ.پەی  من  تازێ  نەبێنێ، منیچ  گوڵشا پەنە  نەورێنی.لوێنی  شونو  دەرسەکەیمەرە .گەورەتەرو  عاقڵ تەرە  بێنی،ئا  وەختە  پا  نیێنی  دلێ  زێندەگی.نە  جە  دەرسی  دەس  کێشینی ،نە بێ  واذە  شو  کەرینی.ئیجا  تاتە  چڵاکیورە! بە  لام  بە  داخەوە  فرەو  ئەذاو  تاتا یا  هەر  ماچڵاکیارە  و  یا  دیر  چڵاکیارە.

فهمی مرادی 22/4/92





نوع مطلب :
برچسب ها :
لینک های مرتبط :


آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
 
 
 
شبکه اجتماعی فارسی کلوب | Buy Website Traffic | Buy Targeted Website Traffic