تبلیغات
داستانێ کوڵێ هه‌ورامیانێ - قؤته‌رېۉ په‌ی په‌رسای/ سیامه‌ند هۆرامی
 
داستانێ کوڵێ هه‌ورامیانێ
چا وه‌خته‌نه‌ که‌ هه‌یاس تؤ ڕانکه‌ هه‌ڕینه‌کاش و فه‌ره‌نجیه‌ چڵا به‌رده‌که‌یش خه‌ریکو ئه‌ۉه‌نیای که‌ڵه‌که‌ وڕاکې بې، باسام به‌ ده‌سڕه‌ هۆرېشمېنه‌که‌و ملیشۆ و چېۉېۉ بنه‌و که‌شیشه‌نه‌ زیانه‌ لاش

باسام ـ  حه‌مه‌ ئامانا تا ۉاچوت!

هه‌یاس ـ باسام مه‌رحه‌با. خېر به‌ی، خێر بؤ فه‌رماۉه‌. گه‌ره‌کتا چېش ۉاچی؟ ئا قؤته‌ره‌ چېشا په‌نه‌ت؟

ـ ئینه‌ په‌یکه‌را وه‌شم که‌رده‌ن، په‌یکه‌ر. مزانی په‌یکه‌ر چېشا؟

ـ ئه‌رې باسام گیان، مزانو په‌یکه‌ر چېشا، ده‌ی ئینه‌ چېشش ئۆ په‌یکه‌ری مشؤ؟ په‌یکه‌رو چېشیا؟

باسام ـ ئینه‌ په‌یکه‌رو بابای ڕه‌حمه‌تیما، ئه‌ها ته‌ماشه‌و ملیش که‌ره‌! ته‌ماشه‌و چه‌ماش که‌ره‌! گرد چېۉش عه‌ین بابام.

هه‌یاس ـ کوره‌ برا باباو چېشی و په‌یکه‌رو چېشی. ڕیشه‌ت به‌ر بێ! ئینه‌ قؤته‌ره‌که‌و ئا لایه‌نه‌، لا پاڵو که‌که‌ۉه‌کې. ئینه‌ پویان سه‌د جارې هه‌لچیم لانه‌ ئارده‌ن، هه‌ر هۆره‌ترېشقېۉ کۆت ئاد هه‌لچی به‌رمدؤ.

ـ برا قؤته‌ره‌ن قؤته‌ره‌ن، تاشته‌نم. ته‌ماشه‌و ملیش که‌ره‌ به‌ به‌رزی ملو بابایما. ته‌ماشه‌و سینه‌یش که‌ره‌! هه‌ر ماچی ئه‌ۉ!

ـ ده‌ی ئینه‌ چه‌مېنې تؤ په‌یت که‌رده‌ن؟ ئانه‌ ملا؟ برا قؤته‌ریچ تاشی وه‌شش تاشه‌! لۉه‌ لا دارتاشېۉی چېۉېۉ فېر به‌! تؤ جیای چه‌ماش پیچه‌کېت نیێنېره‌ و به‌ تف لکنێنېته‌ره‌. ده‌ی خاسا باسام، قؤته‌ره‌و بابایتا به‌ من چېش؟

ـ حه‌مه‌ چه‌نه‌ت قه‌بوڵ مه‌که‌رو! بېڕېزی که‌ری به‌ بابایم.

ـ کوره‌ برا من بېرېزی مه‌که‌رو به‌ که‌سی، تؤ وېته‌نی که‌ پی هه‌رماناته‌ بېڕېزی که‌ری. تؤ ڕموزنېۉت زنیه‌نه‌نه‌ دیار و ماچی باباما. ئه‌ر بابات چیمنه‌ بیه‌نه‌، که‌ی مشیؤ باریش ئاۉه‌دانی؟ به‌ره‌ پانه‌ شارۆ وېت مه‌که‌ره‌ مه‌سخه‌ره‌و مه‌ردمی! نمازه‌ په‌نه‌ت خۉا! ڕیشه‌ت به‌ر بێ!

ـ ئه‌ها حه‌مه‌ به‌ نه‌زه‌ره‌و من تؤ خاینه‌نی. تؤ دژو باو باپیرو منه‌نی.

ـ کوره‌ باسام چی وېت شېت که‌رده‌ن؟! من نه‌ خاینه‌نا و نه‌ خیانه‌ت ئینه‌نه‌. جیا چینه‌یه‌ ئه‌ر ئینه‌ باباتا، به‌ بڕۉاو من به‌ری شاریشۆ خاسا. ئه‌ندا ئینه‌ په‌ی ئه‌رمانای مه‌شیؤ. بڕه‌شۆ لابه‌ره‌! بؤ بنیشه‌ره‌ با پېۉه‌ پیاڵېۉ چای بوه‌رمې و دۉې قسې وه‌شې که‌رمې! چامای قؤته‌ره‌که‌یچ یۉه‌ مده‌یمې چؤر و تلش که‌رمێ.

ـ چېش تل که‌رمێ، چېشی شاروۆ!؟ من ئارده‌نم تؤ نماش په‌ی که‌ری. زه‌کاتش ده‌ی و وه‌یش که‌ری.

کوره‌ باسام پیاۉه‌تیت بؤ! ئینه‌ ۉه‌نه‌ قؤمیایا. که‌ی باۉو قؤته‌ره‌ په‌رسای مه‌نه‌ن؟ چی وېت شېت که‌رده‌ن؟ ده‌ی خاسا باسام، نه‌ۉاتت قؤته‌ره‌و باباو تؤ به‌ من چېش؟

ـ هه‌ر زانام تؤ خاینه‌نی

ـ خاینه‌نا چون قؤته‌ره‌و باباو تؤ مه‌په‌رسو؟ من ئه‌ر قه‌رار بؤ قؤته‌رې بابایا په‌رسو، ده‌ی قؤته‌ره‌و باباو وېم په‌رسو. منیچ پېسه‌ تؤ ملو چا ده‌ره‌نه‌ پوه‌لتېۉ مارونه‌ و بازېۉ گیز و گؤڵه‌نگېش مده‌و دۆر و ماچو ئینه‌ په‌یکه‌رو بابایما و په‌رسوش و هه‌ر وېچم په‌رسوش و زؤر مه‌که‌رو ئۆ که‌سېته‌ری په‌رسؤش. بؤ بنیشه‌ره‌ با چایه‌که‌یما بوه‌رمې. قؤته‌ره‌که‌یچت بنیه‌ چېرت! ته‌ڵانه‌کې ته‌ڕه‌نه‌ با نه‌چیه‌ی!

باسام نه‌نیشته‌ره‌ و به‌ توڕه‌ییۆ گېڵاۉه‌ و ده‌مو ڕێۉه‌ هه‌ر ۉاچې" خایین کوڕو خایینی مه‌ر ڕۉش نێ ۉه‌رۆ ئیجا چارت که‌رو. با تؤ به‌ په‌یکه‌رو باباو من ۉاته‌بؤت قؤته‌ره‌"

                                                         سیامه‌ند هۆرامی

 





نوع مطلب :
برچسب ها :
لینک های مرتبط :
جمعه 13 مرداد 1396 11:32 ب.ظ
I'd like to thank you for the efforts you've put in writing this blog.
I really hope to see the same high-grade content by you later
on as well. In truth, your creative writing abilities has encouraged me
to get my own, personal website now ;)
جمعه 13 مرداد 1396 07:52 ب.ظ
Spot on with this write-up, I really think this website needs much more attention. I'll probably be returning to read
through more, thanks for the info!
یکشنبه 8 مرداد 1396 12:06 ق.ظ
I visited various websites but the audio feature for audio songs existing
at this website is actually superb.
سه شنبه 22 فروردین 1396 12:27 ق.ظ
Hi colleagues, its impressive piece of writing on the topic of educationand completely explained, keep it up
all the time.
سه شنبه 15 فروردین 1396 01:09 ق.ظ
I was curious if you ever considered changing the page layout of your blog?
Its very well written; I love what youve got
to say. But maybe you could a little more in the way of content so people
could connect with it better. Youve got an awful lot of text
for only having one or 2 pictures. Maybe you could space it out better?
دوشنبه 14 فروردین 1396 08:35 ق.ظ
Hi there, I enjoy reading all of your article post. I like
to write a little comment to support you.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر


آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :