تبلیغات
داستانێ کوڵێ هه‌ورامیانێ - داستانۆ دڤه‌ براڵه‌ی / عبدۆڵڵا حه‌بیبی
 
داستانێ کوڵێ هه‌ورامیانێ

گێڵناوه‌ ئه‌وسا دڤێ براڵێ بیێنێ که‌ هه‌رڤێ پاڵوو هه‌نترینیه‌نه‌ زه‌مینشا بیه‌ن و چاگه‌ گه‌نمێشا کاڵه‌ینه‌ و به‌ وره‌ته‌ی گه‌نمێ ژیوه‌ینێ . یۆشا که‌ گه‌وره‌ته‌ر بیه‌ن ژه‌ن و زاوڵه‌ش بیه‌ن و ئه‌وشا هه‌ڵای ژه‌نیش نارذێنه‌ . وه‌روو ئانه‌یه‌ که‌ زه‌مینه‌کێشا پاڵوو یۆیه‌نه‌ بیێنێ وه‌ختوو خه‌رمانی هه‌رشه‌وێوه‌ یۆشا چه‌مذاری هه‌رڤێ خه‌رمانه‌کاش که‌رذه‌ن . ئا شه‌وه‌ که‌ نۆبه‌و برا کۆلاله‌که‌ی بیه‌ن وه‌ختێو نیمه‌شه‌و یاوان و که‌س نه‌بیه‌ن پاگه‌نه‌، وه‌روو وێشه‌ره‌ واته‌نش : من پیه‌یوی بێ ژه‌ن و یانه‌نا و کڵفه‌ت بار نیه‌نا و وه‌ی که‌رذه‌ی زاوڵام نیا مله‌وه‌ به‌ڵام کاکه‌م ژه‌ن و زاوڵه‌ش هه‌ن و مشیۆم فره‌ته‌ر جه‌ من خه‌رج که‌رۆ .

جا هۆرسه‌ن هۆر جه‌ خه‌رمانه‌که‌و وێش برێو گه‌نمێش به‌رذێنه‌ و که‌رذێنه‌ش سه‌روو گنمۆ خه‌رمانه‌که‌و کاکه‌یش . شه‌وێ دمه‌ینه‌ که‌ برای گه‌وره‌ لاو خه‌رمانه‌کاوه‌ بیه‌ن ، وه‌ختوو نیمه‌شه‌وی ئاذیچ لوان فکرێره‌ و واته‌نش : من ژه‌نیم ئارذێنه‌ و زاوڵێم هه‌نێ و شۆکروو خوای هیچم که‌م نیا به‌ڵام ئی برا گۆلاله‌مه‌ هه‌ڵای ژه‌نیش نارذێنه‌ و په‌ی ژه‌ن ئارذه‌ی و یانه‌ رێک ڤسه‌ی پووڵ و پاره‌ی فره‌ته‌رش گه‌ره‌کا . جا هۆرسه‌ن برێو جه‌ گه‌نمه‌کۆ وێش به‌رذێنه‌ش و که‌رذێنه‌ش سه‌روو خه‌رمانوو برا گۆلاله‌که‌یش . گرذ شه‌وێوه‌ ئینه‌ کسمشا بیه‌ن تا وه‌ختوو ڤره‌ته‌ی گه‌نمه‌کێشا . جا ماچۆ خه‌ڵکوو ده‌گاکێ سه‌ره‌شا سڕ مه‌نه‌بێ چانه‌یه‌ که‌ ته‌نانه‌ت ئا ساڵێ که‌ به‌ریات که‌م بێ و وارانی که‌میچ وارێ و گه‌نمێ که‌مه‌ بێ، ئا دڤه‌ برا هه‌ر، ساڵ به‌ ساڵ خوا فره‌ته‌رشا دێ پنه‌ . ئینه‌ ئانه‌یه‌ میاڤنۆ که‌ ئه‌گه‌ر به‌ دڵپاکی جمیه‌وه‌ و هه‌رمانه‌ به‌ دڵپاکی که‌ری خوایچ مجۆ ملته‌ره‌ و عالته‌ر مارۆ وه‌ره‌وه‌ په‌یت .

 ***

سه‌رچه‌مه‌ : سرزمین قصه‌ها ، اسماعیل زرعی
هۆرگێڵنای جه‌ فارسی به‌ هه‌ورامی : عبدۆڵڵا حه‌بیب




نوع مطلب :
برچسب ها :
لینک های مرتبط :
یکشنبه 15 مرداد 1396 03:13 ب.ظ
Why viewers still use to read news papers when in this technological world everything is accessible on net?
سه شنبه 6 تیر 1396 10:28 ب.ظ
Glad to be one of several visitors on this amazing web site :D.
پنجشنبه 21 اردیبهشت 1396 01:24 ق.ظ
My brother recommended I would possibly like this web site.
He was entirely right. This post actually made my day. You can not imagine just how a lot time I had spent for this information! Thank you!
پنجشنبه 24 فروردین 1396 11:24 ب.ظ
I am sure this article has touched all the internet users, its
really really nice paragraph on building up new webpage.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر


آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :